Back to previous

International Business Development Manager – Kai Ora

Tāmaki Makaurau, Aotearoa  

Ka kati ngā tono ā te 12:00 pm,  4 December 2020.

Ko Moana Aotearoa te kamupene hī ika nui rawa nō Ngāi Māori ki Aotearoa nei. Ka whakahokia katoatia āna huamoni ki te Māori hei moni whiwhi, ā, ka puritia te tauitenga hei pūtea tautoko mō ngā kaupapa wā roa o Moana Aotearoa. Ko Hīnga Aotearoa tētahi wāhanga nui o te Whakataunga Take Hī Ika a Ngāi Māori me te Karauna.  Kei ngā āhuatanga o tēnei Whakataunga te tikanga e whai wāhi mai ai a Ngāi Māori ki ngā mahi hī ika hei ngā reanga e haere ake nei; he mahi ēnei, he pūtea haumi ka noho hei kaupapa wā roa. Kāore e taea ēnei rawa whakataunga te hoko atu. Ka whāia te tirohanga whāroa ki roto i ā mātau mahi katoa, ka hāpai i te Kaitiakitanga.

 Tō Mātau Tūranga:

Ka noho haepapa tēnei tūranga ki te Kaiwhakahaere Matua – Mahi Hoko, Mahi Auaha, ā, ka riro māu e kawe tētahi wāhi nui o ngā mahi hei whakatipu, hei whakatinana i te rautaki hokohoko, whakatairanga hoki e kōkiritia ai te tipu whakauka o te pakihi Rite ki te Kai a Moana ki Aotearoa, ki tāwāhi hoki.

Ka aro nui koe ki ngā mahi hei whakarite i tētahi mahere mahi ā-tau e tautoko ana i te rautaki whakatipu ki tāwāhi a Moana. Ka whakatipu koe i ngā hononga hou, i ngā hononga hoki o te wā ki te whānuitanga o ngā kiritaki, ka whakamahi hoki i ngā mōhiotanga ā-mākete ki te ārahi i te rautaki whakatipu mākete o Rite ki te Kai me ngā mahi hei whakapakihi i ngā kaupapa hou.

Ka whai kawenga koe mō te angitu ā-rautaki, ā-hokohoko o Rite ki te Kai ki tāwāhi:

  • Ka whakahaere koe i ngā āhuatanga katoa o te rawa hokohoko; te whakatau utu, te whakatau pūtea me ngā matapae, me ngā mahi whakamahere pakihi
  • Ka whakarite, ka whakapiki hoki i te tūāpapa kiritaki mō te hoko ki tāwāhi me ngā tino toa hokomaha – ki Amerika, ki Ahitereiria, ki Haina hoki
  • Ko ngā kauwhata hoko ā-matihiko ki tāwāhi me ngā kaihoko ā-matihiko matua
  • He hātepe, he pūnaha hokohoko e pakari ana
  • He rautaki hoko takunga, whakatairanga hoki
  • He ekenga taumata, he tuku pūrongo mō ngā tino tohu eke

Ko te ao matihiko te huarahi whakamua ki anamata, ā, māu e ārahi, e tohutohu ngā kaupapa e kōkiri ana i te tipu o ngā whakawhiwhinga moni ā-matihiko kei ngā hongere matua.

Ka noho koe hei toa mō te whakatairanga i tō mātau ingoa, ka whai āheinga mō te tautapa me te whakatiniana i ngā angitu hokohoko ki tāwāhi, ka poipoi, ka tautiaki hoki i te tuakiri me te ingoa pai o Moana Aotearoa.

He aha tāu ka hari mai:

He tūranga whai wero, whai hua tēnei, ā, me noho mai tētahi kaipakihi ngaio e awhero nui ana, e manawaroa ana, e ngakaunui ana ki ngā mahi hokohoko. He angitu tēnei hei whakatipu i tētahi pakihi ki tāwāhi, nō reira  me hari mai e koe he pūkenga tauhokohoko, arā:

  • He pūkenga mō te hoko rawa ki tāwāhi,mō te whakatipu me te whakahaere hoko ā-matihiko hoki
  • He wheako ā-ao, me te whai wāhitanga atu ki ngā mākete o Āhia, o Ūropi, o Amerika hoki
  • He mōhio ki te whakatipu, ki te kōkiri hoki i te rautaki hoko ā-matihiko
  • He āheinga ki te kohikohi i te pārongo ā-makete, ā-hoa whakataetae hoki
  • He tōhungatanga ki te whakamāherehere, ki ngā mahi hokohoko, ki ngā hātepe whakahaere hoki
  • He mōhio ki te whakatau whakaaetanga ā-ture, ki te whakamāherehere pūtea, ki te whakahaere hātepe arotake
  • He mōhio ki te whakahaere, ki te tiaki hoki i te mana whakairo hinengaro

Ka noho koe hei kaihanga ahurea, ka whai pūkenga mō te ārahi tāngata me te whakahonohono, ka āhei koe ki te mahi mai i te papa o te wheketere ki te tēpū o te poari me tērā o te tāhuhu rangapū.

Ka mahi koe ki waenga i ngā iwi maha, ka tūkawikawi ki ngā mahi, ka whai ingoa pai mō te whakatau hononga e pono ana, e toitū ana, ka hīkaka kia eke taumata.

Me āta whai wheako mō te whakatipu hononga hokohoko ā-matihiko ki roto i te FMCG. Me āhei hoki koe kia hāereere ki roto o Aotearoa me tāwāhi hoki.

Mehemea kei te pīrangi koe kia kuhu mai ki ngā mahi hei whakairo i te anamata o Moana Aotearoa, kia kaha te tono mai.  Me tuku mai i tō tātai tangata me tō reta tono ki te Rōpū Whakahaere Kaimahi o Moana ki recruitment@moana.co.nz, me tuhi mai te ingoa o te tūranga ki te rārangi kaupapa.

Kia mōhio mai koe, me whai tika ā-ture kia noho mai, kia mahi hoki ki Aotearoa e āhei mai ai koe ki tēnei tūranga.